Hľadaný výraz: Mt 9,32-34; Mt 12,22-24; Mk 3,22; Lk 11,14-15, Preklad: Latinský - Nova Vulgata, Počet výsledkov: 4
32 Egressis autem illis, ecce obtulerunt ei hominem mutum, daemonium habentem. 33 Et eiecto daemone, locutus est mutus. Et miratae sunt turbae dicentes: “ Numquam apparuit sic in Israel! ”. 34 Pharisaei autem dicebant: “ In principe daemoniorum eicit daemones ”. |
22 Tunc oblatus est ei daemonium habens, caecus et mutus, et curavit eum, ita ut mutus loqueretur et videret. 23 Et stupebant omnes turbae et dicebant: “ Numquid hic est filius David? ”. 24 Pharisaei autem audientes dixerunt: “ Hic non eicit daemones nisi in Beelzebul, principe daemonum ”. |
22 Et scribae, qui ab Hierosolymis descenderant, dicebant: “ Beelzebul habet ” et: “ In principe daemonum eicit daemonia ”. |
14 Et erat eiciens daemonium, et illud erat mutum; et factum est, cum daemonium exisset, locutus est mutus. Et admiratae sunt turbae; 15 quidam autem ex eis dixerunt: “ In Beelzebul principe daemoniorum eicit daemonia ”. |